Околу 50-тина членови на NRC – Nike + Run Club (Nike школа за трчање) беа дел од првиот полумаратон на Велес, град кој низ историјата има многу придонесено за развој на македонската атлетика. Нашата екипа беше повторно најбројна. Задоволството беше уште поголемо кога ќе се додадат големиот број на лични рекорди кои ги остварија нашите маратонци на последниот полумаратон во 2016 година. Дел од нашата екипа учествуваше и на трката на 5км каде што Кристина Даркоска го освои третото место,а Никола Ѓелов беше втор. Ирена Стоименова повторно беше најуспешна кај нашите дами и го освои третото место на полумаратонската трка.